Kalaallit Nunaanni provsteqarfiit

Provstit kalaallit siuttutut suliassaasa soorunami tunngavigivaat kalaallit ilagiittut tunngaviat .

Tunngavik pineqartoq uani tassaavoq upperisamut tunngatillugu nassuerutitut tunngaviusoq, kalaallit pissusaat ileqqorisaallu immikkut ittut aammalu inatsit allanneqarsimasoq.

Inuiaqatigiit ilagiittut siuttunit suliassartaat provstinit aammalu biskoppimit ingerlanneqarput. Taakku saniatigut allaffissornikkut siuttutut suliassartaat stiftskontorchef-imit ingerlanneqarput.

Siuttuunermi tamani aalajangiisuuvoq siuttut inuit (pisortaqarfiit) pineqartut suliakkiissutaasimasut qanimut suleqatigiisutiginissaat. Aammattaaq taamaappoq inuiaqatigiinni ilagiinnik ingerlatsinermi siuttuunermi.

Provstit siuttutut atorfigisaat malunnaatilimmik allanngorpoq 2010-imi ilageeqarnermut inatsit 2010-imeersoq ilutigalugu (kingornalu allannguuteqartoq). Ilageeqarnermut inatsisip ersarissisippaa provstit namminerisamik (aalajangiinerni-) oqartussaqarfiat (§28). Namminerisamik aalajangiinerni oqartussaassutsip provstit piumaffigivai nammineq tunngavilersukkanik aalajangiisinnaanissaat – aalajangiinerit provstit siornatigut ataqatigiissaarnagilluunniit assersuutigalugu biskoppimik eqqartueqatigiiffiusariaqanngitsunilluunniit.