Allagaq una naalagaaffeqatigiinnerup iluani biskopeqatigiit nassius-
saraat:

Ulloq takkukkumaarpoq ataatsimuuleqqiffigisinnaasarput imminullu eqitaarsinnaanngoqqiffipput.

Ernumanerup ersiornerullu tatissanngilaatigut. Tullit eqqarsaatigivaruk.

Nuallussuaq tuniluuttoq nunarsuarmi tamarmi atuuppoq. Nunavullu soriarsinnaanngitsutut unittoorsimasutullu ipput, ulluinnarput allanngorujussuarpoq. Utaqqiinnartariaqarpugut neriullutalu.

Amerlaqaagut qanigisatta namminerluunniit napparsimalernissatsinnik ernumassuteqartut, imaluunniit suliffitsinnik annaassaqassasoraluta
inuiaqatigiinniluunniit isasoortogarnissaanik. Ernumanermulli tunniutiinnassanngilagut. Tateqarlutalu upperaarput Guutip nunarsuaq ajunngitsoq pinngortissimagaa ajunngitsumillu manna kinguneqarumaartoq.
Tategarneq uppernerlu tassa ilungersunartut atuukkaluarpataluunniit aamma massakkut - ajunngitsumik kingunegarnissaanik neriuuteqarneq.

Kamalersarpugut allat akisussaassuseqanngitsutut pissulersorlutik imminuinnaq eqqarsaatigalutik pileraangata. Avis saartuuteqalluta pisiniarfinniluunniit immitsinnut ingalassimagaluarluta pisoq manna ataatsimoorfigissavarput. Eqqaamajuk tullit aamma Guutip ilinnut tunniussarimmagu illillu aamma akisussaaffigigakku.

Naak massakkut kisimiittutut misigisinnaagaluarluta kisimiinngilagut.
Ulloq takkukkumaarpoq assammissinnaanngoqqiffissarput eqitaarfigisinnaanngoqqiffippullu. Taamaalisinnaanngornissatsinnut noqittariagassaagut tatigalugulu toqup, kiserliornerup taartullu oqaaseq kingulleq piginngikkaa.

Inuuneq asanninnerlu nakuunerupput. Tassa Guutip uatsinnut neriorsuutaa. Ataatsimoorluta maanna ilungersunartorsiorfimmi ingerlaqatigiissa, nakussatsilluta ilinniarfigalugulu siunissarput ornillugu.
Oqaluffivut maanna matoqqapput. illu neriugisamik tunisiffipput tunillaaffiussanngilaq.

Ilageeqarfittulli maaniittuarpugut, ilagiinnimi sulisut suli attavigineqarsinnaapput.
Neriuppugut qinullutalu inuiattut ilungersunartorsiorfitsinni nakussatsinneqarumaartugut.

Guutip atukkatsinni nakussatsikkilisigut aniguilluartilluta. Ernerata oqaasiatigut suliaatigullu nakussatsinneqarluta artorsartoq ilungersortorlu ikiortigu tullerpullu sanilerput kiserliortoq ernumasorlu eqqumaffigalugu.
Anersaavata ajunngitsup nakussatsillutalu sapiissuseqartikkilisigut neriuuteqartillutalu maanna atukkatsinni.

Henning Toft Bro, Aalborgip biskopeqarfia
Henrik Stubkjær, Viborg-ip biskopeqarfia
Elof Westergaard, Ribe-p biskopeqarfia
Marianne Christiansen, Haderslev biskopeqarfia
Tine Lindhardt, Fyen-ip biskopeqarfia
Marianne Gaarden, Lolland-Falster-ip biskopeqarfia
Peter Fischer-Møller, Roskilde-p biskopeqarfia
Lise-Lotte Rebel, Helsingør-ip biskopeqarfia
Henrik Wigh-Poulsen, Aarhus-ip biskopeqarfia
Peter Skov-Jakobsen, København-ip biskopeqarfia
Jogvan Fridriksson, Savalimmiut biskopeqarfia
Sofie Petersen, Kalaallit Nunaata biskopeqarfia

Nunaqarfissinnut ingerlateqqilaarisiuk - qujareerlunga Inussiarnersumik inuulluaqqusillunga
Sofie Petersen