Aasiaat oqaluffiat ukiunik 50-inngortorsiortoq

Aassiaat oqaluffiat 29. august 2015 ukiunik 50-inngortorsiorpoq. Oqaluffik 1965-imi atulerpoq.

Tamanna malunnartinneqarpoq ulluni pingasuni nalliuttorsiornikkut. Tallimanngornermi isumasioqatigiittoqarpoq Ilagiit Sinniisaannit aaqqissuunneqartumik Aasianni. Oqaluffiup ingerlanneqarnera aammalu siunissaq eqqartorneqarput. Nuannaarutigineqartumik Avannaata provstia Marianne Platou Olsen nalliuttorsiornermi peqataavoq.

Isumasioqatigiinneq arfininngornermi ingerlaqqippoq. Sulisunit aammalu Ilagiit Sinniisaannit nuannaarutaasumik inatsisartunut ilaasortaq Peter Olsen peqataavoq, taamaasilluni Aasianni pissutsinik ilisimatinneqarpoq. Unnukkut katersortarfimmi nuannattoqarpoq tamannalu Aasianni peqatigiiffinnit isumaqagineqarsimavoq.

Sapaammi 30.08.2015 nal. 10.00 naalagiaqatigiittoqarpoq kingornalu ingerlaaqatigiittoqarluni aammalu soorunami nal. 13.00 utoqqaat illuanni naalagiartoqarpoq nal. 14.00 nerliiviliaqatiinnertalimmik.