Diakoni tunngavimmigut iliuutsinut marlunnut immikkoortinneqarsinnaavoq:

  1. Ilagiinni qangatut ikiuiniartarneq.
  2. Ilagiinni sulineq, oqaluffik aallaavigalugu aammalu oqaluffiup illutaata avataani.

Pingaaruteqarpoq paasissallugu, ilagiinni inuit assigiinngitsut suliniarnermi pisariaqartikkigut. Diakonimi ingerlatsinermi ilaatigut suliassat aatsaat naammassineqarsinnaapput, palasip, ajoqip ilaasortallu suleqatigiinnerisigut, aamma ilagiit sinniisaanni ilaasortaanngikkaluit ilanngullugit. Suleqatigiinneq – naligiimmik – kinguneqartarpoq. Naligiimmik suleqatigiinneq, tamanna piviusumik ikiuiniarnermi matuersaataavoq. Ikiuineq (Diakoni) isumaqannginnami qulaani inissisimaffimmiit annaassiniarneq. Apeqqutaasoq tassa sulerusussuseq, piumassuseq, ilagiit sumiiffiini naapinnissaannut, nuannaarnermi, aliasunnermi, inoqaatit ikiorniakkat naligalugit.

Jiisusi assigalugu sulineq, iliuuseqarneq, apeqqutaavoq – akissarsiassaq eqqarsaatiginagu. Tassa Ilagiit nunatsinni kiinnernerat ilumoortoq. Tassa ikiuunneq ikiuineq (Diakoni)!

Biskoppeqarfimmiit sulinissamut tamatumunnga aningaasanik neqerooruteqarpugut. Sulisut akissarsiassaannik neqeruunngilagut, aamma tamanna diakonimik paatsuuineruvoq.  Akissarsiassaq qamannga pissaaq. Suliamik nuannaaruteqarnermiippoq, takullugu iluaqutaalluni, nuannersuni nuanninngitsunilu. Ilagiit Kalaallit akornatsinninukittorsarneqartut takusinnaallugu.

Pingaarnerpaaq tassaavoq piumassutsip ilissinniit ilagiit sinniisaanniit pinngornissaa. Ilagiinnit malugineqarsinnaalissalluni – suliaq ilagiinnit pinngortuusoq.  Folkekirke taama sulisarpoq!

Ilissi – ilagiit sinnerlugit – ilagiit kalaallit kanaartaraasilusooq.  Assasi, uummatisi, qaratsasi atunngippata ikiuineq piviusoq pinngorsinnaanngilaq, ikiuineq (diakoni) pinngorsinnaanngilaq peqanngilaq, pisariaqartitsisut ikiortariallit ikiorneqassanngillat, peqatigiineq ikioqatigiinneq nukittorsarneqassanngilaq - suleqatigiilluta ingerlatitsinngikkuta.

Tamatta ikiuineq (diakoni) pisariaqartipparput! Sulisutut sullinneqartutullu. Nassaanngitsumik!