Moorta ateqarsimavoq Martinimik, upperluartuulluni mattuttoq anneruniajuitsuulluni. Biskopinngortinniarneqalerami anneruniarnanilu ajukkussimavoq, nerlerit akornannut toqqorsimavoq, nersorniarneqarumanani. Soorunami periarfitsialaanngilaq toqqorfigissallugu, nerlerit nipituuliorput paasitillugulu sumiinnersoq, Biskopinngortinneqarpoq Toursimi Frankrigimiittumi. Tamannalu pillugu akiniutitut Martin aalajangiivoq, illoqutigiit tamarmik ukiut tamaasa nerleq ataaseq toquttassagaat nerillugulu.

Martin ilisaavoq Toursimi ulloq 11. november ukioq 397-mi, kingusinnerusukkut iluartuutitaalersoq. Danmarkimi Martin Mortanngortinneqarpoq, illoqutigiinnilu amerlanerni nerleq qeerlutuumik taarsiunneqarluni, taamaamallu tamanna inunnit ileqqunngorluni nalliuttorsiutaanerusarpoq, oqaluffimmiit pingaartorsiutigineqarneraniit imaluunniit iluarsaaseqqinnermi peerneqarsimasoq.