Adventi

Sapaassuaq isumaqarpoq aggerpoq, paasineqassalluni Naalagaq aggerpoq. Adventini/Sapaassuarni malunnartinniarneqartarpoq aggersumik utaqqinermik.

Naalagaq aggerpoq

Adventi marloqiusamik isumaqarpoq. Juulli kisimi pineqanngilaq, kisiannili Jiisusi tikiuteqqinnera pineqartarpoq, taannami itinerusumik pissutaassarpoq.

Tunguusaq Adventip naalagiartitsinermi qalipaatigaa, iisinnginniarnermi isumakkeernermilu qalipaat, piareersarfigisartagarput.

Adventskransi ~ Nigaliliaq

Nigaliliaq iloqquuvoq nutaanerusoq, Tysklandimi 1800-kkunni atugaalersimasoq. Tiguagaaqqanerup nalaanni Sønderjyllandimi ileqqoq ingerlateqqinneqartoq, atugaalersoq. Qilerniisat aappaluttut qaqortullu isumaqartinneqarlutik danskiunermik. Sorsunnerup kingorna ileqqoq Danmarkip sinneranut siaruaattoq aammattaaq Kalaallit Nunaannut. Suli qilerniisat aappaluttut atorneqarput, qalipaat tunguussaq naalagiarnermi atorneqartartoq eqqortuunnerugaluartoq katuullit atortagaat.

Ukiup nutaap aallartinnera Ilagiinni

Sapaassuit nalunaaqqutertarpaat ukiup nutaap aallartinnera Ilagiinni, iivangkiiliumi allaqqasut sapaatini Jiisusi inuunneranik oqaluttuarineqartarput. Ilagiinni ullorsiorfiit pingaarnerit tassaapput juulli aamma poorski, poorski qangarnisaanneruvoq pingaarnerpaallunilu ullorsiorfinni. Juulli isiginiarneqassaaq poorskimut tikkuusisutut. Poorskip oqaluttuassartaa Jiisusi toqunera, toqusunillu makinnera nuannaarnermik ilimasaarineruvoq, Jiisusip aggeqqinnera makeqqinneralu. Taamaasilluni paasinarluarpoq aallaqqaattaattut Ilagiit ukiuannik eqqaasinneqarnerput marloqiusamik paasisarialik adventi sapaassuaq.

Scroll to Top