Kirkenyt:

Tussiarfissuaq/Store bededag

Tussiarfissuaq/Store bede 

folkekirken.dk-mit nutsigaq./Se artiklen om store bededag her.

Tussiarfissuaq poorskip kingorna tallimanngornermi sapaatit sisamaat sioqqullugu pisarpoq. Ullutsinni aamma apersortitsiffittut tunngatinneqartarpoq, ullulli isumaa tassaavoq qinuneq aammalu iisinngin-niarfissatut.

Tussiarfissuaq 1686-imili

Ulloq siornatigut taaneqartarsimavoq immikkut ittumik nalinginnaasumik qinuffik, atulersinneqarlunilu 1686-imi biskop Hans Bagger Roskildemeersumit. Biskoppiunermini ukiuni siullerni marlunni ullut pingasut iisinnginniarfittut aammalu qinunermik atugassat atuutilersissimavai, ullumikkullu ulloq ataasiinnanngorsimavoq.

Ulloq sioqqullugu unnukkut oqaluffiup siarngi avilualaartinneqartarput oqaatiginiarlugulusooq neriniartarfiit niuertarfiillu matuneqarnissaat. Kikkut tamarmik iisinnginniartussaapput naalagiareernerup kingornanut aammalu sulisoqassanngilaq ulloq taanna.

Oqaatiginiarneqartarpoq Christian VII-iata nakorsarisaata Struensee-p tussiarfissuaq atulersitarigaa, tamannali eqqunngilaq. Ulloq pisarpoq taassuma siunerujussuagulli, kisiannili isumaqartoqartarpoq taassuma atuutilersitarigaa isumaqartoqarporlu 1770-imi nalliuttut aaqqissuuteqqinneqarmata Struensee-p aaqqissuussaanik taava ulloq taanna attatiinnarneqarsimavoq taammasillunilu isuma-qartoqalerluni Struensee-p atuutilersitarigaa.

Qinuneq tassaavoq Guutimut oqalunneq

Qinuneq tassaavoq Guutimut oqalunneq. Suulluunniit oqaatigisinnaavatit. Qinunerup artornartut oqilisittarpai aammalu inuunermik itinerusumik nuannarinnilersitsisarluni.

Kissaatigilluinnakkatit qinnutigisinnaavatit. Ajornartorsiutit maalaarutigisinnaavatit. Qujassutissatit inuuninni nuannaarutigingaakkatit oqaatigisinnaavatit. Allat qinnussinnaavatit, peqqissooqqullugit imaluunniit ajornartoorneranni anigueqqullugit.

Qinunermi oqaatsinik inerteqqutaasoqanngilaq, kiffaanngissuseqarputit oqaatigerusutatit pingaarnerit oqaatigissallugit. Namminerluinnaq oqaatsit atorusutatit atorsinnaavatit imaluunnit qinnutit soorlu tussiutiniittut atorsinnaavatit.

Ilaagiinni ataatarput Martin Lutheri oqaluttuarsimavoq, uppernermini imaaruttarsimalluni misigissusee-ruttarlunilu aammalu qulartarsimalluni. Taamaakkaluartoq qinusarsimavoq kingornalu uummatini timinilu misigileqqittarsimavai kissalaartutut upperneralu takkuteqqittarsimavoq qinunermini. Qinunermi oqaatsit tassa uppernermit siulliusarsinnaappullusooq.

 

 

 

 

 

 

 

 

Tilbage