Kirsten kaldet kistaraq og andreas høeghs legat

Kistârak Anda Høegh-llu Legatiannut tunngasoq. 

Palaseqarfinnut tamanut ilisimatitsissutitut  nalunaarutigineqassaaq legatip pineqartup agguagassartai kingumut agguaanneqartussanngormata. 

Aningaasaatit agguaanneqartarneranni pingaartumik tunngaviginiarneqartarput aningaasaatit pilersinneqarsimaneranni najoqqutassiap § 2-ani allassimasut: 

"§ 2. Aningaasaatit tunissutit siunertaraat ilaatigut Kalaallit Nunaanni ilagiit atuagassiaannik naqiterisitsinermut tapiissuteqartarnissaq, ilaatigut Sisimiuni meeqqanik perorsaavimmut "Gertrud Rasks Minde"-mut ikiorsiissuteqartarnissaq.

Ilaatigut atuagassiaat "Katinngat" aningaasaatinik tunissutinit ikiorsiinissamut salliutinneqassaaq, aammattaarli ilagiit atuagassiaannut ataasiakkaanut aningaasaatinik tunissutinik qinnuteqartariaqartussanut agguaassinissaq aningaasaatit tunissutit siulersuisuinit aalajangerneqartassaaq.

Tapiliussakkut augustusip  26-anni 1978-imi pisukkut pisussanngortitaanera naapertorlugu ataatigut atsiortunga Oluf Høegh aalajangerpara aningaasaatit tunissutit ukiumut pissarsiaasa tamarmiusut 10%-ii meeqqanik perorsaaviup "Gertrud Rasks Minde"-p pisassarissagai siunertanut naalakkersuisunut akilersinneqarsinnaanngitsunut atugassanngorlugit". 

Isumaqartoqaruni  qinnuteqarsinnaasunut ilaalluni qinnuteqartoqarsinnaavoq. Taamali pisoqassappat atuagassiap suunera qanorlu ingerlanera erseqqissumik nassuiaatigineqartariaqassaaq. Imaluunniit piviusorsiortumik isumalluarnartumillu aallartitsiniartoqaruni tunngavilersorluakkamik tapiiffigineqarnissamik qinnuteqartoqarsinnaalluni.

Qinnuteqaatit 01. april 2017 Biskopip Allaffianut kingusinnerpaamik nassiunneqassapput.

Qinnuteqaatit tiguneqartut tamarmik Legatbestyrelsemit naliliiffigineqarumaarput.

Nunaqarfissinnut ingerlatilaarisiuk.

Aningaasaateqarfiup aalajangersagai uani takukkit.